Dinsdag, 15 November 2016

Eksamenvoorbereiding Wenk Nr. 28

WAARDEVOLLE WENKE VIR DIE EKSAMENLOKAAL

  1. Maak seker dat jy die regte eksamenvraestel het.
  2. Lees deeglik deur die eksamenvraestel voor jy dit beantwoord.
  3. Beplan noukeurig, sodat jy al die vrae in die voorgeskrewe tyd kan beantwoord. 
  4. Lees aandagtig deur die instruksies. 
  5. Lees noukeurig deur die instruksies sodat jy presies weet hoeveel vrae jy moet kies om te beantwoord. Dit is moontlik dat jy tussen vrae moet kies of binne-in die vrae self ook moet kies. 
  6. Lees die vrae deur en onderstreep die werkwoord.  Die werkwoord gaan presies vir jou sê wat van jou verwag word. 
  7. Nommer die vrae reg en presies soos dit in die vraestel genommer is. 
  8. Beplan rofweg die struktuur van jou antwoord voor jy die vraag beantwoord.
  9. Los ’n lyn oop tussen vrae en begin altyd ’n nuwe afdeling op ’n nuwe bladsy. 
  10. Skryf duidelik en leesbaar.
  11. Moenie paniekerig raak nie, geniet die uitdaging en geleentheid om jou kennis te toets. 
  12. Skryf soveel as moontlik.  In baie gevalle moet jy meer as een feit gee vir een punt. 
  13. Onthou dat die kwaliteit van die antwoord in geheel gemerk word en nie net die aantal feite nie.
  14. In meeste van die vrae gaan daar verwag word om jou kennis toe te pas. 
  15. Beantwoord die vrae in die voorgeskrewe formaat, bv. In die formaat van ’n opstel, ’n program , ’n verslag, ’n onderhoud, ’n brief of ’n bewerking ens. 
  16. Voor jy jou vraestel inhandig, maak seker dat jy ’n streep trek deur die antwoorde wat jy nie wil hê gemerk moet word nie. 
  17. Maak seker dat jy al jou antwoordboeke of bylae inhandig.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Maandag, 14 November 2016

Eksamenvoorbereiding Wenk Nr. 27

WEES EERLIK

Moet nooit besluit om oneerlik te wees as jy nie die antwoord op ’n vraag ken nie. Ouers en onderwysers moet studente leer om geen wandade in die eksamenlokaal te pleeg nie, aangesien die gevolge hulle toekoms gaan beïnvloed en dit kan lei tot skorsing indien dit sou uitkom.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Eksamenvoorbereiding Wenk Nr. 26

SKRYF NETJIES

Skryf netjies en leesbaar. Dit maak dit makliker vir jou onderwyser om jou antwoordstel te merk as dit aangebied is op ’n manier wat dit moontlik maak om tussen die antwoorde te onderskei. Maak seker dat jou antwoorde se nommers  ooreenstem met die vrae s’n, al volg jou antwoorde nie chronologies op mekaar nie. Onthou jy sal verseker wees van jou punte as jy jou antwoordstel netjies aanbied. Indien jou handskrif onleesbaar is en jou werk chaoties aangebied word, mag jy punte verloor net omdat niemand kan lees of jou antwoord reg of verkeerd is nie. 

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Vrydag, 11 November 2016

Eksamenvoorbereiding Wenk Nr. 25

DOEN DIE VRAE WAT JY KEN EERSTE

Jou tyd om vrae tydens eksamens te beantwoord is beperk. Beantwoord eers die vrae waarvan jy die antwoorde ken. Jy kan altyd teruggaan en die vra wat jy uitgelos het beantwoord. Wanneer jy sukkel om ’n vraag te beantwoord waarvan jy nie die antwoord ken nie, mors jy net jou tyd. Jy gaan gejaagd wees om die vrae waarvan jy wel die antwoorde ken te beantwoord en nalatige foute begaan. 

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Eksamenvoorbereiding Wenk Nr. 24

WEES BETYDS

Dit is beter om vroeg by die eksamenlokaal op te daag, as om op die laaste minuut angstig en verbouereerd daar in te storm.  Gee jouself ten minste 10 minute om rustig te raak voor jy instap.  Jy sal rustiger voel as jy weet jy hoef nie teen tyd te jaag nie

Wees rustig voor jy begin skryf.  Moenie haastig oor iets nalees net ’n paar minute voor jy skryf nie.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Donderdag, 10 November 2016

Eksamenvoorbereiding Wenk Nr. 23

VERTROU OP GOD

As jy godsdienstig is, kan jy voor die eksamens bid.  Onthou dat God nie die eksamen vir jou gaan skryf nie. Hy gaan ook nie vir jou die antwoorde gee as jy nie geleer het nie, maar Hy gaan vir jou krag, vrede en wysheid gee. Hy sal jou lei in die stresvolle tyd.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Eksamenvoorbereiding Wenk Nr. 22

WEES AKTIEF

Moenie so vasgevang word in jou studies dat jy jou gesondheid nalaat nie.  Jy sal baat daarby vind om aktief te wees tydens eksamens. Dit is wetenskaplik bewys dat so min as 20 min van kardio-oefeninge jou vermoë om te onthou bevorder.  Dit sal ook jou energievlakke verhoog – wat belangrik is om te konsentreer.  Oefeninge verlig ook spanning.  Enige fisiese aktiwiteit soos hardloop, draf, stap, fietsry of dans is goed.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Woensdag, 09 November 2016

Eksamenvoorbereiding Wenk Nr. 21

EET GESONDE KOS EN DRINK BAIE WATER

Studente maak gereeld die fout om in ongesonde eetgewoontes te verval tydens eksamen tye.  Wat jy eet is net so belangrik vir jou verstand soos die materiaal wat jy leer.  Sonder die regte voedingstowwe kan jy nie so goed presteer soos jy wil nie.  Wanneer jou gedagtes aktief is, gebruik jou brein glukose – so jy moet gesonde kos eet, sodat jou brein stowwe kan afskei wat jou help om beter te presteer. Eet ’n gesonde, gebalanseerde ontbyt die oggend van die eksamen. Eet ’n ontbyt wat laevet proteïene, groente, omega 3 vetsure en antioksidante bevat. Dit kan spinasie omelet met gerookte salm, volgraan geroosterde brood en ’n piesang wees.  Moenie ontbytgraan eet nie, want dit gaan jou nie genoeg energie gee nie.  

As jy rêrig nie genoeg tyd het om ’n groot ontbyt te eet nie, eet eerder hawermout, want dit bevat hoë koolhidrate en vesels en verteer stadiger.  Neem ’n versnapering saam met jou na die eksamenlokaal indien dit toegelaat word. ’n Peuselhappie soos ’n volgraan, grondboontjiebotter toebroodjie of ’n granola stafie wat propvol koolhidrate en proteïene is, sal jou konsentrasievermoë ’n hupstoot gee. Amandels, vrugte en jogurt is ook goeie keuses.  Dit is nie net belangrik dat jy die dag van jou eksamen gesond eet nie, maar ook die week tevore. Handhaaf ’n gesonde dieet vol vrugte, groente en ander kossoorte wat jou genoegsame energie gaan gee. Vermy gemorskos wat tamheid gaan veroorsaak. 

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Eksamenvoorbereiding Wenk Nr. 20

MOENIE TE MIN SLAAP NIE

Laerskool kinders behoort tussen 10 - 11 ure slaap elke nag in te kry, waar tieners met ’n minimum van ses ure oor die weg kan kom, maar verkieslik 8 - 10 ure se slaap moet inkry. As jy nie lank genoeg slaap nie, gaan dit weke vat om verlore slaap in te haal.  

Slaappatrone is baie belangrik gedurende eksamen tydperke, wat gewoonlik nagelaat en onderskat word. Slaap hou baie voordele in soos om inligting tydens die slaap siklusse te prosesseer. 

Baie studente glo dat hulle meer tyd nodig het om te studeer, dan studeer hulle tot na middernag.  Jou slaap siklusse word versteur indien jy dan weer vroeg moet opstaan en nie genoeg slaap ingekry het nie.  Jy gaan dit nie kan volhou vir die hele eksamen tydperk nie. Dit gaan baie probleme veroorsaak wat gaan verhoed dat jy goed presteer.  

Vermy die deurnag sessies. Dit is nie ’n goeie idee nie, nie net omdat jy uitgeput gaan voel nie, maar ook omdat jy aan geheueverlies gaan lei.  Dit gaan sleg op jou punte reflekteer.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Dinsdag, 08 November 2016

Eksamenvoorbereiding Wenk Nr. 19

VERANDER JOU HOUDING TEENOOR EKSAMENS

Verander die manier hoe jy oor eksamens dink. Eksamens en goeie resultate is belangrik, maar een enkele toets of eksamen gaan nie jou toekoms of sukses in die lewe bepaal nie. Uithouvermoë en harde werk oor jare gaan jou sukses bepaal. Moenie ontmoedig of oorstelp word as jy nie die punte behaal waarvoor jy gewerk het nie. Dit beteken net dat daar nog areas vir verbetering is.  

Herinner jouself dat dit net ’n eksamen is en dat daar ander gaan wees waar jy jouself kan bewys. As jy wel verbeter het, maar is steeds nie tevrede nie, herinner jouself aan die vordering wat jy tot dusvêr gemaak het. Beloon jouself na die eksamen as jy hard gewerk het.  Bly gemotiveerd en beplan vooruit.  

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Eksamenvoorbereiding Wenk Nr. 18

VERMY NEGATIEWE ENERGIE

Vermy vriende wat ’n negatiewe houding oor eksamens het. Dit gaan jou negatief beïnvloed en jou ontmoedig om te studeer. Moet ook nie met mense oor die leerwerk praat wat gestres is oor die eksamen nie. Hulle gaan jou angstig maak oor die eksamen of die werk wat jy nie goed ken nie. Dit gaan ook veroorsaak dat jy stres oor die werk wat jy wel ken.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Maandag, 07 November 2016

Eksamenvoorbereiding Wenk Nr. 17

VERTROU JOU EIE VERMOËNS

Tydens ’n stresvolle eksamen tydperk, moet jy ’n positiewe ingesteldheid en gedagtegang rondom jou leerwerk hê. Dit is belangrik dat jy in jouself en in jou eie vermoëns glo. Jy moet met selfvertroue leer en eksamen skryf. ’n Gebrek aan selfvertroue kan tot onnodige stres lei wat jou prestasie negatief gaan beïnvloed.  Moenie fokus op hoe min jy weet of hoe sleg dit met jou vorige toets of eksamen gegaan het nie.  Jy moenie toelaat dat dit verhoed dat jy sukses behaal nie. Party goed is buite jou beheer en dit is noodsaaklik dat jy en jou ouers dit verstaan. Dit is belangriker om studente aan te moedig en te motiveer as om hulle af te kraak as hulle nie na wense presteer het nie.  

Dit beteken nie dat jy nie moet hard werk om goeie punte te behaal nie, al is jy vol vertroue moet jy altyd daarna streef om jou beste te doen. Sukses bou op sukses. Hoe meer suksesvol jy is, hoe meer vertroue gaan jy in jouself hê en gaan jy die uitdagings wat buite jou gemaksone is met meer gemak aanpak. 

As jy maklik angstig raak, moet jy die oorsprong van jou angstigheid bepaal. Is dit rasioneel? As jy nie geleer het vir ’n toets of eksamen nie is dit logies om bang te wees. Indien jy ’n paar weke voor die tyd begin voorberei het vir die eksamen en jy het alles gedoen wat jy moontlik kan doen, is dit nie nodig om bekommerd te wees nie. Daar is verskeie metodes wat jy kan gebruik om ontslae te raak van spanning soos meditasie, asemhaling oefeninge of jy kan ’n sielkundige gaan sien indien dit nodig is.  Moenie oorreageer nie, dit is net ’n toets of ’n eksamen. Onthou jy is net ’n mens en kan net soveel op ’n dag doen. Moenie vergeet om na jou menslike behoeftes om te sien wanneer jy vir die eksamen stres nie. Eet en slaap genoeg.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Eksamenvoorbereiding Wenk Nr. 16

VRA ANDER OM JOU TE HELP

Jy moet iemand vra om jou te help indien jy sukkel met ’n gedeelte van die werk of met die hele vak. Jy sal baat om van ander te leer. Moenie bang wees om vrae te vra nie, en maak seker dat hulle dit deeglik verduidelik sodat jy dit kan verstaan. Indien jy steeds sukkel om dit te verstaan, vra dat hulle dit op ’n ander manier verduidelik indien moontlik. Moenie bang of bekommerd wees oor wat hulle van jou gaan dink indien jy n vraag vra nie. Daar is nie iets soos ’n dom vraag nie en as jy stil bly gaan jy net meer gespanne voel, aangesien meeste van die werk voortbou op vorige kennis.  As ons net die wêreld aanvaar soos dit is en nooit vrae vra nie, sou geen ontdekkings of uitvindings die lig gesien het nie.  Soos Willima Arthur Ward gesê het:  “Nuuskierigheid is die pit in die kers van leer.”

Dit is ’n goeie idee om studiegroepe te vorm en afsprake te maak waar julle die werk bespreek wat julle individueel vooraf geleer het. Op daardie manier kan julle vir mekaar vrae vra en van mekaar leer. Moenie bang wees om die werk vir iemand anders te verduidelik nie, want op daardie manier kan jy jouself toets en uitvind hoe goed jy die werk ken. Dit is goed om gesprekke oor die onderwerp te voer en wenke of studie metodes te deel. Onthou om nie van die onderwerp af te dwaal en betrokke te raak by gesprekke wat nie betrekking het op die werk nie. Dit gaan jou, en jou vriende se kosbare tyd mors.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Vrydag, 04 November 2016

Eksamenvoorbereiding Wenk Nr. 15

DINK AAN JOU ONDERWYSER 

Wanneer jy studeer, hou jou onderwyser ingedagte. Dit beteken dat jy jouself heeltyd moet vra wat het jou onderwyser in die klas bespreek rakende die onderwerp. Het die onderwyser klem gelê op sekere gedeeltes van die werk? Wat gaan heel moontlik in die eksamen gevra word?  Wat kan van jou verwag word in die eksamen? Wat sal ’n strikvraag wees, waarvoor jy moet uitkyk? Moenie jou tyd mors deur minder belangrike inligting, wat nie sommer in die eksamen gevra gaan word nie, te leer.  Het jou onderwyser gesê dat sekere afdelings moontlik gevra of nie gevra gaan word in die eksamen nie? Werk deur vorige eksamens en opdragte wat julle gedurende die jaar gekry het. 

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Eksamenvoorbereiding Wenk Nr. 14

WERK AKTIEF AAN JOU EIE STUDIEMATERIAAL

Jy moet aktief wees wanneer jy studeer, jy moenie net herhaaldelik die werk deurlees of jou notas oorskryf nie. Handboeke, onderwysers en klasmaats kan die werk aan jou verduidelik, maar jy moet verstaan wat jy leer. Dit beteken dat jy dit wat jy geleer het in jou eie woorde kan skryf. Dit is hoofsaaklik waaroor toetse en eksamens gaan – om vas te stel of jy die nodige kennis van die vak het en die teorie daaragter ken. Kom in die gewoonte om die werk aan jouself te verduidelik, voor jy in die eksamenlokaal ingaan. Jy sal dan voorbereid wees om vrae oor die werk te beantwoord aangesien jy reeds oor die werk nagedink het.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde. 

Donderdag, 03 November 2016

Eksamenvoorbereiding Wenk Nr. 13

PAS JOU STUDIETEGNIEKE BY DIE STYL VAN DIE VAK AAN

Ons is almal uniek en ons moet dus studeer volgens ons eie persoonlike voorkeure.  

Party studente is visuele leerders, terwyl ander beter op gehoor of fisies leer.  Gebruik studietegnieke wat op jou van toepassing is, maar verander ook jou tegniek om by die studiemateriaal aan te pas.  Party vakke soos biologie of geskiedenis gaan jy beter leer deur beelde, diagramme of met memorisering speletjies.  Ander vakke soos wiskunde en fisiese wetenskap gaan jy baie moet oefen om dit te verstaan.  

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Eksamenvoorbereiding Wenk Nr. 12

TOETS JOUSELF 

Navorsing toon dat die beste manier om te leer is om deur vorige eksamenvraestelle te werk. Dit is daarom uiters belangrik om jouself te toets. Dit kan in die formaat van ’n vasvra wees of jy kan deur vorige jare se eksamenvrae werk wat ’n beter manier is om jouself te toets. Probeer om eksamen omstandighede na te maak so vêr moontlik – raak gewoond daaraan om ’n aantal vrae in ’n gegewe tydperk te beantwoord. Dit gaan maak dat jy gemaklik voel in die eksamenlokaal. Jy sal ook sekerheid kry oor waar jy staan met betrekking tot jou studiemateriaal. Jy gaan selfvertroue kry as jy weet dat jy die studiemateriaal bemeester het.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Woensdag, 02 November 2016

Eksamenvoorbereiding Wenk Nr. 11

GEBRUIK KREATIEWE STUDIETEGNIEKE 

Leer die hoof onderwerpe sodat jy ’n goeie oorsig het waaroor die werk handel voordat jy oorbeweeg na die ingewikkelde uiteensettings. Dit sal help dat jy nie oorweldig voel oor die hoeveelheid werk nie.  

Notas wat tydens studiesessies gemaak word kan waardevol wees as jy weer die werk wil hersien. Maak notas met moontlike vrae en probeer om inligting van verskillende bronne soos handboeke, persoonlike klasnotas of bylae van jou onderwyser by te werk. Vra jouself af wat die belangrikste aspek van die materiaal is? Wat gaan moontlike eksamenvrae wees?

Skryf jou studiemateriaal oor in verskillende formate. Moenie die direkte woorde van jou notas of handboek kopieer nie. Wanneer jy werk oorskryf gaan jy jou geheue verfris en gaan jy heel moontlik weer nadink oor die woorde wat jy neerskryf. As dit in jou eie woorde is sal jy beter verstaan en beter onthou. 

Moenie probeer om so vinnig as moontlik deur jou werk te jaag nie. Bestudeer elke afdeling behoorlik, maak seker dat jy elke afdeling verstaan voordat jy aanbeweeg na die volgende afdeling.

Dit bevind dat dit minder effektief is om studiemateriaal te herlees en die kernwoorde met ’n kleurpen te merk.

Om die werk in verskillende formate oor te skryf en op te som kan baie verskil van persoon tot persoon omdat elke mens anders dink en leer. Wees kreatief en gebruik verskeie metodes om uit te vind wat gaan die beste vir jou werk. 

Breinkaarte (“mind maps”) is ’n uitstekende metode aangesien dit ’n diagram is wat gebaseer is op sleutel idees met meer inligting en aansluitende konsepte wat daaruit spruit. Breinkaarte is ’n tipe spinnekop diagram.  

Flitskaarte met kernwoorde op is ook ’n effektiewe manier om teoretiese materiaal soos terminologie, definisies of datums te leer. Dit is enkelwoorde of frases op klein kaartjies waardeur jy kan blaai. Jy kan ook ’n vraag aan die een kant van die kaart skryf en die antwoord aan die ander kant van die kaart. 

Herhaal die werk hardop, asof jy dit aan jou vriende verduidelik. Jy kan handgebare gebruik en maak asof jy ’n onderwyser is. Jou geheue sal die inligting met die gebeurtenis verbind.  

Skryf lang paragrawe puntsgewys neer, aangesien dit makliker gaan wees om dit te onthou.  

As jy die werk oninteressant of moeilik vind om te memoriseer, kan jy dit in speletjies verander. Dit kan mnemoniek, akronieme, rympies, gedigte en vasvra of aanlyn opvoedkundige programme en video en audio bronne insluit.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Dinsdag, 01 November 2016

Eksamenvoorbereiding Wenk Nr. 10

STEL ’N STUDIEGIDS SAAM

Dit is ’n goeie idee om jou eie studiegids, wat al die belangrike inligting van jou werkboeke en notas bevat, saam te stel indien jy genoeg tyd het. Dit gaan jou toelaat om makliker op kernkonsepte te fokus en dit is ’n ander studiemetode wat jy saam met ander metodes kan gebruik. Waak egter dat jy nie in ’n strik val deur te veel tyd te bestee om die studiegids te maak en dan nooit daarby uitkom om weer deur die gids te werk nie.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Maandag, 31 Oktober 2016

Eksamenvoorbereiding Wenk Nr. 9

VERMY ONNODIGE STEURNISSE

Moenie toelaat dat steurnisse inmeng in jou studiesessies nie. Dit kan enige steurnisse soos mense, geraas of tegnologie insluit. Steurnisse is nadelig in studietye aangesien jy jou konsentrasie verloor. Jou brein moet elke keer van fokus verander as iets jou onderbreek. Dit maak dit moeiliker vir jou brein om die inligting te prioritiseer en die inligting te behou. Bitter min mense kan werklik meer as een taak op ’n slag suksesvol hanteer, ongeag wat hulle daarvan dink. 

Moenie toelaat dat sosiale media, jou selfoon of die televisie jou aandag aftrek nie.  

Indien jy na musiek luister kan dit jou aandag aftrek as jy meer fokus op die ritme of die lirieke van die musiek, in plaas daarvan om op jou studiemateriaal te fokus. Die effek wat musiek op mense het, kan verskil. Studies het getoon dat musiek die geheue van individue met AGS/AGHS (“ADD / ADHD”) help om te presteer.  

Indien dit vir jou nodig is om na musiek te luister terwyl jy studeer is dit beter om na sagte instrumentale musiek of na klasieke musiek te luister aangesien navorsing getoon het dat dit effektief is – dit laat die brein toe om meer ontvanklik te wees vir nuwe inligting.  ’n Ander alternatief is om na opgeneemde natuurgeluide te luister soos reënval, woudgeluide of die oseaan – dit sal jou brein help om aktief te bly en dit sal verhoed dat agtergrondgeluide jou aandag aflei.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Vrydag, 28 Oktober 2016

Eksamenvoorbereiding Wenk Nr. 8

LIG EN LUG VENTILASIE IS NODIG

Daar moet genoegsame lig en lug in die vertrek wees. Maak die gordyne asook die vensters bedags oop. Skakel die hoofligte saans aan en gebruik ’n ekstra leeslamp indien nodig. 

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Donderdag, 27 Oktober 2016

Eksamenvoorbereiding Wenk Nr. 7

VIND ’N GESKIKTE PLEK OM TE STUDEER 

Studeer in ’n omgewing wat netjies en ordelik is met ’n stil atmosfeer waarin jy gemaklik voel.  Dit moet vir jou moontlik wees om te konsentreer in die omgewing waar jy studeer, daarom moet daar niks wees wat jou aandag gaan aftrek of moontlik gaan steur nie.

Verkieslik moet jy ook in verskillende plekke studeer aangesien dit jou vermoë om inligting te onthou gaan verbeter. Die rede hiervoor is dat jou brein die inligting met die agtergrond sensasie assosieer. As jy dus jou omgewing verander, is dit vir jou brein moontlik om inligting saam met die nuwe sensasies beter te absorbeer. 

Dit is ’n goeie idee om vroeg in die oggend, indien moontlik, in ’n biblioteek te studeer en later in die middag in ’n studeerkamer te studeer. 

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Woensdag, 26 Oktober 2016

Eksamenvoorbereiding Wenk Nr. 6

PAS JOU STUDIE TEGNIEK AAN BY DIE EKSAMEN FORMAAT

Vra jou onderwyser wat die formaat van die toets of eksamen gaan wees en hoe hy dit gaan beoordeel. Dit kan waardevol wees sodat jy kan weet hoe om vir die eksamen voor te berei – of dit kortvrae, multikeuse vrae of langer opstel tipe vrae gaan wees. 

Wanneer jy deur vorige vraestelle werk gaan jy ook ’n idee kry van die formaat en die tipe vrae wat gevra kan word. 

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Dinsdag, 25 Oktober 2016

Eksamenvoorbereiding Wenk Nr. 5

SKEDULEER TYD VIR STUDIE ASOOK TYD VIR RUS

Begin lank voor die eksamen leer sodat dit nie voel asof jy al die inligting die aand voor die tyd in jou brein moet inprop nie. Dit is ondoeltreffend om so groot massa inligting in so kort periode te leer en dit veroorsaak ’n groot hoeveelheid angstigheid. Dit is bewys dat dit baie meer doeltreffend is om kort tydperke te studeer en die werk verskeie kere deur te gaan. Dit is veral waar vir teoretiese vakke met baie data en feite. Praktiese en wiskundige vakke benodig meer tyd om die bewerkings te oefen.

Moet nie vir lang ononderbroke ure studeer nie. Verdeel jou tyd in kort intervalle van 20 – 25 minute, met breuke van 5 - 10 min. Hierdie proses moet 3 keer herhaal word en dan moet ’n langer breuk van 30 – 35 minute geneem word. Breuke is belangrik omdat jou brein rus en die geleentheid kry om die inligting te prosesseer. 

Moenie konsepte of onderwerpe opdeel net omdat dit tyd is om te rus nie.  Dit is beter om daarmee klaar te maak voor jy rus, sodat jy dit as geheel kan onthou.  

Dit is onmoontlik om al die werk te ken as jy te min tyd het.  Leer dan eerder die relevante werk wat jy sal kan beantwoord in die eksamen. 

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Maandag, 24 Oktober 2016

Eksamenvoorbereiding Wenk Nr. 4

MAAK SEKER DAT JY JOU TYD NUTTIG BESTEE

Maak leertyd deel van jou jou daaglikse roetine. Sit elke dag ’n spesifieke tyd eenkant om te studeer.

Allokeer spesifieke vakke of onderwerpe van vakke na spesifieke tye. Dit sal uiteindelik ’n gewoonte word.

As jy nie jou studieplan nagekom het nie of jy het nie betyds begin volgens jou skedule nie, moet dit nie afstel of los tot later nie, begin onmiddellik want jy sal agter raak.

Studeer wanneer jy ’n kans het, al is dit net vir ’n kort periode. Hierdie kort studie periodes akkumuleer uiteindelik tot baie ure.

Skep ’n gebalanseerde studieplan. Dit sal verseker dat voldoende tyd bestee word om ’n vak as geheel te bestudeer. Dan sal jy meer waarskynlik beter punte behaal in die eksamen as wanneer jy die werk in ’n kort tydperk wil indruk en aframmel.

Wanneer jy ’n studieplan saamstel is dit belangrik om te onthou dat die menslike brein op sy aktiefste staat is tussen 05:00 tot 08:00 in die oggend en 19:00 tot 23:00 saans. Wanneer jy studeer gedurende hierdie tye het jou brein maksimum retensie krag.

Moet jouself ook nie dwing om te studeer wanneer jy verskriklik moeg is nie. Dit is beter om ’n goeie nagrus te kry na ’n kort studie periode, as om jouself uit te put. Jy sal waarskynlik die volgende dag nie veel onthou nie en jou prestasie sal verswak.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Vrydag, 21 Oktober 2016

Eksamenvoorbereiding Wenk Nr. 3

NEEM VOLLEDIGE NOTAS IN DIE KLAS

Goeie klasnotas sal jou help wanneer jy studeer. Maak notas van belangrike inligting wat die onderwyser gee wat nie in die handboek is nie en ook van alles anders wat op die bord geskryf en op voorleggings gegee is. Maak soveel as moontlik aantekeninge in die klas, maar moenie dat aantekeninge maak jou aandig aftrek sodat jy vergeet om te luister wat eintlik gesê word nie. Hersien jou aantekeninge na klas sodat die inligting versterk sal word in jou geheue.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Donderdag, 20 Oktober 2016

Eksamenvoorbereiding Wenk Nr. 2

LET OP IN DIE KLAS

Om op te let in die klas sal jou vreeslik baie help in die eksamen. Luister fyn vir die wenke wat onderwysers moontlik gee oor werk wat meer belangrik of minder belangrik is vir die eksamen en skryf dit neer.

Soms plaas hulle meer klem op sekere woorde en konsepte wat van toepassing is op die eksamen. Hulle mag dalk ook moeiliker onderwerpe verduidelik sodat dit makliker verstaanbaar en in jou geheue is. Wees ’n aktiewe leerder in die klas, hoe meer jy inneem in die klas, hoe minder sal jy hoef te leer na die tyd.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Woensdag, 19 Oktober 2016

Eksamenvoorbereiding Wenk Nr. 1

STEL STUDIEDOELWITTE EN BEPLAN VOORUIT

Bepaal die datums van jou eksamens en teken dit aan op jou kalender. Dit is belangrik om 'n skedule op te stel en tydgleuwe te allokeer vir studie, hersiening en deurwerk van vraestelle.

Beplan verskeie studie en hersiening sessies ten minste 'n week voor elke eksamen, eerder as om al die leerwerk in een sessie op die dag voor die eksamen te leer.

Lees deur elke vak se program en die uitkomstes om ’n oorsig van die leerwerk te kry.

Stel spesifieke studie doelwitte en beskryf wat geleer moet word. Jou skedule kan meer aanpasbaar wees, hoe vêrder weg dit van jou eksamendatum is, maar dit moet meer konkreet wees hoe nader aan die datum van die eksamen.

Jou studieplan moet logies en realisties wees. Minder tyd moet aan maklike werk toegewy word, sodat meer tyd aan moeilike werk spandeer kan word wat baie tyd en oefening benodig.

Allokeer tyd om vorige eksamenvraestelle deur te werk, want dit sal ’n aanduiding gee van hoeveel en watter werk jy al bemeester het en of jy nog tyd en aandig aan sekere afdelings moet gee.

Klik hier om alle Gratis Eksamen Wenke af te laai.
Klik hier om ons webtuiste te besoek vir CAPS Eksamenvraestelle met Antwoorde.

Maandag, 10 Oktober 2016

Sterkte met die voorbereiding van jou Eksamen

Afrikaanse Skoolprojekte wens jou baie sterkte toe vir die Eksamen!

Eksamen Voorbereiding
Leerlinge ken die antwoorde, maar hulle moet die tegniek en kuns om eksamen te skryf, bemeester. Voorbeeld vraestelle leer hulle om al die kennis wat hulle het, in die eksamen te kan weergee.

Die formaat van vraestelle sluit die volgende in:
Beskrywing van Terme
Waar/Vals – Motiveer indien vals
Multikeuse vrae - kies die korrekte antwoord
Vul die ontbrekende woorde in
 Blokkiesraaisels
Sketse
Lang vrae

Eksamenvraestelle Nou slegs R395,00!
Alle vakke ingesluit
CAPS Kurrikulum

Besoek ons webtuiste www.afrikaanseskoolprojekte.co.za vir meer inligting.

Gratis Studie Wenke om slim en doeltreffend te studeer!


Donderdag, 04 Augustus 2016

Afrikaanse SkoolProjekte Augustus Gunskopie op Prima Pakket

Spesiale aanbod op ons gewilde Prima Pakket

Geniet die voordeel om skooltake met gemak af te handel en om met selfvertroue toetse en eksamens te skryf.
Die beste metode vir eksamen-voorbereiding is om voorbeeld vraestelle deur te werk.
Afrikaanse Skoolprojekte bied alles wat jy nodig het om uitstekende resultate te behaal!

Prima Pakket nou beskikbaar:  R950,00

ASP Skool Ensiklopedie:  Waardevolle inligting in Afrikaans vir opdragte en toesprake.
CAPS Eksamenvraestelle met Antwoorde:  Alle vakke ingesluit per graad.
Alles Afrikaans:  Afrikaanse Taal- en Spelreëls
Easy English:  English Spelling and Grammar Rules.
PretHoek - Laerskool  l  Beroepsvoorligting - Hoërskool

Besoek ons Webtuiste:  www.afrikaanseskoolprojekte.co.za

Aanbod eindig 20 Aug. 2016
Subskripsie geldig to 31 Des. 2016

Vrydag, 03 Junie 2016

CAPS Eksamenvraestelle

CAPS Eksamenvraestelle – Alle vakke ingesluitNou slegs R795,00 per graadAanbod eindig binne 24 uurBestel nou!Subskripsie geldig tot 31 Des. 2016Webtuiste:  www.afrikaanseskoolprojekte.co.za


Maandag, 23 Mei 2016

Halfjaar Eksamen Voorbereiding

Leerlinge ken die antwoorde, maar hulle moet die tegniek en kuns om eksamen te skryf, bemeester.
Oefen vraestelle leer hulle om al die kennis wat hulle het in die eksamen te kan weergee.
Eksamenvraestelle word opgestel om die leerder volledig voor te berei.

Die formaat van vraestelle sluit die volgende in:
•  Beskrywing van Terme
•  Waar/Vals – Motiveer indien vals
•  Multikeuse vrae - kies die korrekte antwoord
•  Vul die ontbrekende woorde in
•  Blokkiesraaisels
•  Sketse 
•  Lang vrae

Eksamenvraestelle – Alle vakke ingesluit
Nou slegs R795,00
Webtuiste:  www.afrikaanseskoolprojekte.co.za

Aanbod eindig 3 Junie 2016
Subskripsie geldig tot 31 Des. 2016


Graad 1 Graad 2 Graad 3  Graad 4  Graad 5  Graad 6 Graad 7 Graad 8 Graad 9 Graad 10

Vrydag, 22 April 2016

ASP April 2016 Gunskopie

Afrikaanse Skoolprojekte bied 'n spesiale gunskopie op ons gewilde Prima Pakket aan.


Geniet die voordeel om skooltake met gemak af te handel en om met selfvertroue toetse en 
eksamens te skryf. Die beste metode vir eksamen-voorbereiding is om voorbeeld vraestelle 
deur te werk. Afrikaanse Skoolprojekte bied alles wat jy nodig het om uitstekende resultate 
te behaal!

Prima Pakket nou beskikbaar:  R1 100,00!
Jy bespaar R250,00!

Prima Pakket bevat al die produkte, insluitend CAPS Eksamenvraestelle.

ASP Skool Ensiklopedie
CAPS Eksamenvraestelle met antwoorde
Alles Afrikaans
Easy English
Pret-Hoek
Beroepsvoorligting

Registreer as 'n nuwe gebruiker en besigtig 'n gratis voorskou van die produkte.
Klik op die graad van jou keuse om jou bestelling te plaas.


Klik hier:  Webtuiste
Klik hier:  Gratis Studiewenke